A igrexa parroquial de Traba atópase nun lugar solitario, sen casas ao seu arredor, orientada da mesma forma que as das demais parroquias: cabeceira cara ó leste, e fachada cara ó oeste. A ábsida e a nave foron levantadas no primeiro terzo do século XIII, aínda que a cubrición da segunda cambiouse en 1940 por unha bóveda de ladrillo e cemento. A base estrutural do templo é románica, apreciable nos muros, na bóveda da ábsida e en elementos externos tipicamente romanicos.
A fachada principal sufriu en 1716 a última reforma, creéndose deste ano a realización do retablo pétreo que abrangue toda a súa parte central.
