A poucos quilómetros de Malpica de Bergantiños atopamos Laxe, un pequeno pobo mariñeiro que se atopa dentro da ría de Corme. Alí, nun pequeno promontorio sobre o porto da localidade sitúase a igrexa de Santa María da Atalaia.
Chegamos a Laxe dende Malpica, sorteando a ría de Corme en Ponteceso. Ao chegar a Laxe, o pobo pareceunos dos máis tranquilos. Xente paseando polo paseo marítimo da praia até o porto, alí é onde descubrimos a monumental igrexa de Santa María da Atalaia. Construída a principios do século XIII sobre un pequeno promontorio e uns muros de pedra, a igrexa serviu como atalaia de vixilancia, controlaba a baía onde se sitúa o porto e daba a voz de alarma repicando as campanas se algún enemigo intentaba atacar o porto de Laxe. Anos máis tarde nos muros onde se atopa a igrexa dispuxéronse uns canons defensivos.
