Obradoiro de Samaín no CEIP dos Muíños de Muxía: sobremesas e manualidades

O Samaín chega ao CEIP dos Muíños de Muxía con dúas tardes para poñer a imaxinación a traballar. A ANPA O Facho organiza un obradoiro infantil no que os nenos e nenas poderán preparar sobremesas terroríficas e deixar voar a creatividade con divertidas manualidades.

Datas e grupos do obradoiro de Samaín

A actividade celebrarase os días 26 e 27 de outubro de 2026, con grupos repartidos por cursos:

• Luns 26 de outubro: alumnado de 3º, 4º, 5º e 6º de Primaria.
• Martes 27 de outubro: alumnado de Infantil, 1º e 2º de Primaria.

Os dous días o horario será de 16:30 a 18:00 h no CEIP dos Muíños, en Muxía.

Prezo e inscricións

A participación custa 5 € por neno ou nena de familias socias da ANPA e 6 € para non socias. As inscricións poden facerse nos teléfonos 654 43 28 22, 680 10 07 35, 661 28 15 08 ou 658 57 47 76.

Un pequeno consello antes de vir

Recoméndase traer un táper co nome para gardar e levar á casa as sobremesas elaboradas no obradoiro.

Pantasmas, cabazas, receitas de medo e creacións feitas coas propias mans: unha maneira ben divertida de celebrar o Samaín entre compañeiros e compañeiras!