Abril de Libros nas Bibliotecas de Dumbría

As Bibliotecas de Dumbría continúan a celebrar o mes do libro con Abril de Libros, unha programación pensada para encher de creatividade, lectura e diversión as cinco bibliotecas do concello. Todas as actividades serán ás 18:00 horas e están dirixidas a público infantil, con propostas adaptadas por idades e temáticas moi diferentes.

O programa desenvolverase en varias parroquias do municipio con obradoiros que combinan imaxinación, aprendizaxe e xogo. Esta é a programación anunciada:

• Mércores 15 | O Conco: Bestiario animal, con Pedras de Papel. Obradoiro con papel, desde os 3 anos.
• Martes 21 | Berdeogas: Obradoiro de maxia, con 1, 2, 3… O mago Pedro Bugarín. Obradoiro de maxia, desde os 5 anos.
• Venres 24 | Olveira: Obradoiro de Robótica LEGO WeDo, con Jóvenes Científicos. Obradoiro de robótica, desde os 7 anos.
• Luns 27 | Os Buxantes: Cuncas creativas: imaxinación, con Muxiarte. Obradoiro de pintura en cerámica, desde os 2 anos.
• Xoves 30 | O Ézaro: Obradoiro de xoguetes de cartón, con Juste Kamishibai. Obradoiro con cartón e papel, desde os 3 anos.

As prazas son limitadas e a inscrición debe realizarse a través do formulario habilitado. Dende a organización indican ademais que contactarán coas persoas inscritas para confirmar a concesión da praza e que haberá prioridade para as persoas empadroadas. Unha programación moi atractiva para seguir desfrutando do libro, da creatividade e das bibliotecas de Dumbría durante abril.