FITVI 2026 – Festival Internacional de Títeres de Vilaño

Vilaño, na Laracha, acolle do 9 ao 11 de outubro de 2026 a primeira edición do FITVI – Festival Internacional de Títeres de Vilaño, unha cita cultural que reúne monicreques, narración oral, teatro, memoria comunitaria, música e propostas participativas en diferentes espazos da parroquia.

Baixo o lema “Entre verzas e monicreques”, o festival convida a gozar das artes escénicas en diálogo coa paisaxe e o patrimonio local, cunha programación pensada para públicos de todas as idades.

Programa do FITVI 2026

Venres 9 de outubro – Muíño das Fervenzas

• 17:00 – Unha árbore ven a vernos, de Anxo Moure. Monicreques e narración oral. 60 minutos. Público familiar.
• 18:00 – Obradoiro de lanzabeloteiros e monicreques, con Atrapacontos Land Art.

Sábado 10 de outubro pola mañá – Ruta dos Ríos de Lavar

Primeira parada: Fonte da Areosa.

• 11:30 – Unha viaxe no tempo, de Mulleres de Vilaño. Representación teatral das veciñas. 15 minutos. Todo público.

Segunda parada: Muíño das Fervenzas.

• 12:00 – Xograría de aldea, de Alba de Vales. Espectáculo multidisciplinar. 45 minutos. Todo público.
• 13:00 – Coloquio cas artistas.

Sábado 10 de outubro pola tarde – Castro de Montes Claros

• 17:00 – Latexos, de K’Paparota Teatro. Monicreques e narración oral. 35 minutos. Todo público.
• 17:40 – Faladoiro: As nosas lendas, con Puri Soto.
• 18:00 – Pícnic de convivencia. Cada persoa pode levar a súa comida, bebida e mantiña.

Domingo 11 de outubro – Antigo salón de baile de Gendes, na Areosa

• 18:00 – Títeres a cielo abierto, de Manu Mansilla. Monicreques. 50 minutos. Todo público. Taquilla inversa.
• 19:00 – Faladoiro: Cando aquí se bailaba, con Rubén Mallo e Diego Rama. Conversa sobre a memoria do Salón de Gendes.
• 20:00 – Bailamos? Música e baile para facer que o salón volva soar.

Un festival de monicreques ligado ao territorio

O FITVI nace como unha iniciativa de Adro de Vilaño para achegar as artes escénicas ao rural e converter os camiños, espazos patrimoniais e lugares de encontro da parroquia en parte da experiencia. O resultado é unha proposta cultural próxima, interxeracional e especialmente conectada coa identidade de Vilaño.

Máis información sobre a organización en Adro de Vilaño.