Acto de recoñecemento aos clubs deportivos de Cee 2025-2026

O acto de recoñecemento aos clubs deportivos de Cee da tempada 2025-2026 celebrarase o martes 28 de xullo de 2026, ás 21:00 horas, no Auditorio Baldomero Cores da Casa da Cultura de Cee.

O Concello de Cee homenaxeará 190 deportistas e sete clubs locais polos resultados acadados durante a tempada. O acto estará presidido pola alcaldesa, Margot Lamela Louzán, e contará tamén coa presenza do concelleiro de Deportes, Alfonso Canosa.

Clubs e deportistas recoñecidos

• Unión Club Cee, 79 deportistas: equipo benxamín A, subcampión da Copa da Costa; equipo infantil A, campión da Copa da Costa; equipo sénior feminino, subcampión da Copa da Costa; e equipo sénior masculino, polo seu ascenso a Segunda na Liga da Costa.
• ACB Costa da Morte, 16 deportistas: equipo infantil, semifinalista da Copa Coruña.
• Club Arte e Movemento, 19 deportistas: campionatos e subcampionatos de España en diferentes modalidades de baile deportivo.
• Club Cee Deportes de Contacto, 27 deportistas: medallas de ouro, prata e bronce en distintas modalidades de combate da Liga Fite Galicia de Taekwon-Do ITF.
• Asociación Deportiva Olimpia, 20 deportistas: medallas en campionatos provinciais e autonómicos de categorías base e nos circuítos de carreiras populares da Deputación da Coruña e de Correndo pola Costa da Morte. Tamén serán recoñecidos Elian López Iglesias, récord galego dos 600 metros lisos no Gran Premio de Valladolid e sexta mellor marca da historia de España, e Xiana Lago Andrade, campioa galega sub-23 e absoluta de lanzamento de peso, campioa galega sub-23 de disco e medallista e finalista en campionatos de España.
• Dafit Centro de Entrenamiento Cee, 3 deportistas: medallas de prata e bronce nos campionatos de España de kick boxing nas categorías cadete e máster.
• Taekwondo Juan Cee, 25 deportistas: medallas en campionatos provinciais e autonómicos.

Unha celebración dedicada ao esforzo e aos logros do deporte local de Cee.