III Torneo de Futsal 4×4 Memorial Juan Insua Sanfins

O III Torneo de Futsal 4×4 Memorial Juan Insua Sanfins celebrarase os días 27 e 28 de xuño de 2026 na Pista Polideportiva de Caxadas, en Vimianzo, unha instalación propiedade da Comunidade Veciñal de Ogas. Trátase dunha cita deportiva gratuíta que reúne deporte base, convivencia e ambiente festivo arredor do fútbol sala.

As inscricións estarán abertas ata o 21 de xuño ás 23:59 horas ou ata completar as prazas dispoñibles. Os equipos deberán contar cun mínimo de 5 xogadores e un máximo de 12, mentres que en pista participarán entre 4 e 8 xogadores. A competición contará con dúas categorías: infantil, o sábado 27, para nadas e nados entre 2014 e 2017; e cadete, o sábado 27 e o domingo 28, para nadas e nados entre 2011 e 2013.

O torneo incluirá trofeo para o equipo campión, medallas para os catro primeiros clasificados e premios ao máximo goleador, porteiro menos goleado e MVP do torneo. Ademais, haberá inchables para os máis pequenos de 15:30 a 19:30 horas, a 2ª edición do Chupinazo ao Lobo Fins, churrascada, froita e auga gratis para os participantes, así como servizo de cantina e churrasco para o público. Para máis información pódese contactar no teléfono 637 163 221 ou no correo felix.roget@vimianzo.gal.