O vindeiro 3 de maio, a Asociación para a Defensa Ecolóxica de Galiza (ADEGA), en colaboración co Concello de Zas, organiza unha xornada de portas abertas na Carballeira de Baio para presentar o programa de voluntariado ambiental “Proxecto Ríos. Súmate á corrente!”. A actividade desenvolverase entre as 10:30 e as 13:30 horas e está aberta á participación de todas as persoas interesadas.
A xornada comezará coa recepción na Praza Jorge Mira Pérez ás 10:30 h. Despois, os membros de ADEGA explicarán os obxectivos do Proxecto Ríos e as accións incluídas no programa. A continuación farase unha visita ao Río Grande, ao seu paso pola Carballeira de Baio, para avaliar a calidade da auga e o estado do ecosistema ribeirego. A elección deste espazo débese á súa biodiversidade, bo estado de conservación e accesibilidade, sendo un dos puntos naturais máis destacados da Costa da Morte.
O Proxecto Ríos, co apoio do Concello de Zas, continuará ao longo do ano con análises ambientais periódicas. A participación é totalmente gratuíta, pero é preciso inscribirse previamente a través do seguinte formulario: https://forms.gle/2yxNzu4PZ9wGpRHUA
Data de inicio
Data de fin
Carballeira de Baio
Cultura, deportes, festas…
Concello
Lugar
Concello
Lugar
