Seguindo o curso do Regato dous Muiños e a senda que discorre ata a súa desembocadura en forma de pequena cascada, atoparemos un conxunto de 5 muiños rehabilitados. No seu contorno poderemos apreciar varios afloramentos de ecloxitas, rocha metamórfica clave para o estudo do interior do noso planeta. Se seguimos a liña costeira ata a praia de San Miro, destaca a espectacular funda de Pedra Furada ou Furna das Grallas, coas súas case 25 metros de altura, escavada fai máis de 100.000 anos pola erosión do mar.
