A igrexa de Santiago de Mens é unha igrexa románica construída no século XII en Mens, parroquia do municipio de Malpica de Bergantiños, situado na comarca de Bergantiños na provincia da Coruña.
A súa construción data do século XII e foi realizada en tres etapas. Da primeira etapa prerrománica aínda se conservan as tres naves que están divididas por piares que sustentan arcos formeiros de medio punto. Os ábsides foron levantados nunha segunda fase románica e a fachada principal foi remodelada na terceira fase.
Trátase dun edificio de planta basilical formado por tres naves divididas en catro tramos na súa forma orixinal, hoxe reducidos a tres por unha reforma do século XIX. As naves rematan en tres ábsides semicirculares (laterais) e pentagonal (central). No exterior presentan semicolumnas acadadas en catro ángulos do polígono. Os ábsides están cubertos por bóvedas de cañón semicirculares rematadas en cuarto de esfera. Os arcos formeiros apóianse sobre pilastras de sección rectangular, que sustentan unha cuberta a dúas augas. Os capiteis e canecillos están decorados con bolas, figuras vexetais, animais e humanas.
A fachada é de estilo barroco, con corpo central destacado sobre os laterais, con porta adintelada, rematado en campanario de proporcións esbeltas, terminado nunha linterna gallonada, sustenzada por piastras xónicas. Os laterais están rematados en pináculos.
