Os seus 7 kilómetros de lonxitude fan do areal de Carnota un dos máis grandes de toda España. En toda a súa extensión podemos atopar unha gran variedade de formas costeiras: praias, cantís, depósitos edafosedimentarios antigos, marismas… Ademais, Carnota serve como refuxio a numerosas aves migratorias, flora e fauna endémica. Debido a isto existe na zona das Marismas de Caldebarcos un observatorio ornitolóxico, seguindo o curso do río Valdebois desde a súa desembocadura na Boca do Río. Ademais de Lugar de Interese Xeolóxico, esta zona forma parte do LIC Carnota-Monte Pindo, declarado Zona de Especial Protección para as Aves.
