Dende unha altura de máis de 400 metros, o miradoiro de San Bartolo ofrece unha vista panorámica do val de Vimianzo. Neste punto poderás visitar a pequena capela dedicada a este santo, aínda que o seu maior atractivo é a vista do ceo nocturno en plena natureza.
En coche non se pode chegar ata o mesmo miradoiro, pero si aproximarse até que só faltan uns centos de metros que terás que percorrer a pé por un camiño de barro. Para chegar terás que tomar a AC-552 dende Vimianzo en dirección Baio até alcanzar a rúa da Torre (estrada que sube pola residencia de anciáns). Unha vez aí, só necesitarás percorrer esa estrada até o seu final.
