Costa da Morte, destino turístico sostible
O starlight ou a luz das estrelas é moito máis que un fenómeno astronómico, é un elemento que acompañou á humanidade ao longo da súa historia para facernos soñar, guiarnos e marabillarnos. Na Costa da Morte e nos seus ceos despexados atópase un recuncho único no mundo para desfrutar deste espectáculo natural en toda a súa plenitude. Aquí poderás ver localizacións onde desfrutar do starlight así como máis información arredor desta marabilla da natureza na Costa da Morte
O famoso matemático Jorge Mira realizou os cálculos para determinar de forma exacta o lugar onde se ve o último raio de sol no vello continente. ¿Sabes onde se atopa este lugar?
Se dixeches a Costa da Morte acertaches de cheo xa que este punto se atopa na cima do Monte Pindo no Concello de Carnota, un monte cunha cume a 627 metros de altura e cuxo pé está a menos dun quilómetro do mar.
Segundo o matemático de Baio, a proximidade ao océano e a altura do monte Pindo permiten ver un horizonte máis afastado no Atlántico polo que poderás ver unha posta de sol uns minutos máis tarde neste punto e nun lugar máis adentro no océano que en calqueira lugar da Europa continental.
Pero non só brilla a estrela solar no ceo da Costa da Morte…
Non necesitamos dunha IA nin de ningún truco para conseguir a imaxe que estás vendo. É a realidade nocturna da Costa da Morte na que o ceo nunca se apaga por completo.
Porque na Costa da Morte existen infinidade de lugares onde poderás mirar o ceo nocturno e asombrarte coa cantidade de estrelas que o habitan… asombrarte polas posibilidades que o universo che brinda.
Descubre a continuación onde están os mellores lugares para ver as estrelas na Costa da Morte.
Descobre todos os segredos de la Costa da Morte
Orixe da terra, do ceo e do mar
Descobre paisaxes únicas e monumentos históricos que te deixarán sen alento.
Vive aventuras inesquecibles con actividades para todos os gustos e idades.
Ensinámoste cómo chegar e cómo moverte pola Costa da Morte.
Subscríbete á nosa newsletter e recibe as mellores recomendacións sobre a Costa da Morte. Mantente ao día con eventos, rutas, gastronomía e experiencias únicas para a túa próxima visita. ¡Non te perdas nada desta terra máxica!
