PLIC! Praza dos Libros de Carballo 2026

A PLIC! Praza dos Libros de Carballo 2026 celebra a súa vixésima edición do 9 ao 12 de xullo no Xardín Municipal de Carballo. Baixo o lema “Vinte na PLIC!”, a feira reunirá presentacións literarias, sinaturas de autoría, propostas infantís, música, maxia, xogos populares, regueifa e actividades arredor da lectura. O horario xeral indicado no cartel é de 11.00 a 14.00 e de 18.00 a 22.00 horas.

Xoves 9 de xullo. Ás 11.00 comezará a Praza dos Libros 2026. Durante toda a mañá desenvolverase “Libros con atún”, cun paquete de conservas Calvo para as persoas que merquen un libro, e haberá animación coa Real Banda de Cadeiras Encartables. Ás 12.30 terá lugar a inauguración e o pregón de Pedro Feijoo, coa actuación da Banda de Gaitas de Carballo. Ás 18.00 celebrarase o contacontos musical infantil Os rizos de Lia. Ás 19.00, Alberto Varela Ferreiro presentará O dragón anano, acompañado por Xaime Díaz, e de 19.00 a 21.00 haberá xogos populares con Os Biosbardos. Ás 20.00, Xabier Quiroga presentará Alguén ao lado, acompañado por Marta Seoane. Ás 21.00, Fran Alonso presentará Cáncara, acompañado por Patricia Blanco.

Venres 10 de xullo. De 12.00 a 14.00 retransmitirase en directo o programa de Radiovoz Voces de Bergantiños, na lembranza de Fernando Cabeza Quiles. Ás 12.00 celebrarase o obradoiro infantil Animais imaxinarios, con Noelia Paz. Ás 18.30 chegará o espectáculo de maxia infantil As viaxes máxicas de Charly Braun. Ás 19.00 asinarán exemplares Xavier Alcalá, Manel Cráneo, Silvia Tasende e Diana Varela Puñal, vinculados a Cinza, Pel, Memoria e Serea e Ulises. Ás 20.00, Xan Fraga presentará Crónicas de Carballo V, acompañado por Desirée Domínguez Pallas. Ás 21.00, Arantza Portabales presentará Asasinato no muíño do cura, acompañada por María Nieto. A partir das 22.00 celebrarase a Noite PLIC con Xurxo Borrazás e estrearase unha nova placa do Mapa Literario na taberna O Bodegón.

Sábado 11 de xullo. Ás 12.00 haberá unha presentación-dinámica infantil con Marta Villar arredor de O misterio dos gatos rosas. Ás 13.30 celebrarase unha exhibición da Escola de Regueifa de Carballo. De 18.00 a 21.00 terá lugar Retratos con Retranca: a caricatura, con Mon Lendoiro, Cristina Santiago e Santi Picos. Ás 18.30 ofrecerase o espectáculo infantil Can de palleiro (outro circo na biblio), con Dani Blanco. Ás 20.00, Roberto Cagiao presentará Cadea de favores, acompañado por Marta Villar. Ás 21.00, Farruco Graña presentará Eu voun navegar, acompañado por Xan Fraga.

Domingo 12 de xullo. Durante toda a mañá desenvolverase “Un libro, un pan”: todas as persoas que merquen un libro serán agasalladas cun pan de Carballo. Ás 12.00, María Solar presentará As malas ideas, acompañada por María Rei Vilas. Ás 13.00 haberá un concerto de Blues do país con Sesión Vermú. Ás 18.00 celebrarase o concerto infantil Contos grandes e pequenos, con Paco Nogueiras. Ás 19.00 terá lugar a presentación-recital Os fíos de Begoña, unha achega con palabras, música e imaxes á vida de Begoña Caamaño a partir do álbum ilustrado de Eva Mejuto, con Marcelo Dobode. Tamén ás 19.00 asinarán exemplares Marcos Emilio Castelo Amado e Xaime Toxo, de Historia das parroquias de Carballo. O catastro de 1750 e Só navego na voz con que dis o meu nome, respectivamente. Ás 20.00, Cecilia F. Santomé presentará Boundaries Road, acompañada por Carme Pereiro. Ás 21.00 rematará a Praza dos Libros 2026.