Castro Animado en Cabana de Bergantiños 2025

Castro Animado en Cabana de Bergantiños: unha viaxe ao pasado con sabor a festa

O sábado 12 de xullo, a partir das 17:00 h, o Castro A Cidá de Borneiro converterase nun poboado celta cheo de vida coa celebración do “Castro Animado”. Un evento perfecto para coñecer o patrimonio castrexo da Costa da Morte dun xeito entretido e participativo.

A xornada incluirá recreación histórica co Clan de Breogán, xogos populares miudiños, música tradicional da man da banda de gaitas O Son do Castro, espectáculo aéreo de circo e teatro con Sue Moreno 4.0 e visitas animadas ao castro a cargo de Yago Espasandín. Tamén haberá degustacións de gastronomía cabanesa, xeados e bebidas castrexas, artesanía, cerámica e unha gran foliada musical dende as 20:30 h, con queimada e churrasco incluídos.

Unha festa para toda a familia, con entrada libre, nun dos castros máis representativos de Galicia.