O teu legado, o meu futuro: emprego, talento FP e remuda empresarial en Vimianzo

O 30 de outubro de 2026, de 10:00 a 13:30 horas, a Casa da Cultura de Vimianzo acolle O teu legado, o meu futuro, un encontro para conectar empresas, alumnado de Formación Profesional e persoas que buscan novas oportunidades de emprego, colaboración ou remuda empresarial na Costa da Morte.

A xornada propón conversacións útiles e contactos directos: que profesionais necesitan as empresas da contorna, que pode achegar o talento que se está formando e como facilitar a continuidade de negocios con futuro. Un espazo para coñecerse, compartir necesidades reais e abrir portas a posibles incorporacións e novos proxectos.

Un punto de encontro entre empresas e talento

Se tes unha empresa e precisas incorporar profesionais ou estás pensando no relevo do teu negocio, poderás explicar o que buscas e escoitar novas perspectivas. Se estudas FP, buscas traballo ou queres desenvolver a túa carreira sen marchar da comarca, coñecerás de primeira man ás empresas e as oportunidades que poden xurdir.

O obxectivo é fortalecer a conexión entre oferta e demanda laboral, favorecer a remuda xeracional das pemes, facilitar o acceso ao emprego do alumnado de ciclos formativos e contribuír ao asentamento de poboación e á actividade económica local.

Programa do encontro

• 10:00 h. Benvida institucional con representantes do Concello de Vimianzo e da Xunta de Galicia.
• 10:15 h. Presentación de Medrando Xuntas, programa que impulsa o liderado feminino na economía social galega.
• 10:45 h. Presentación da Rede de Polos de Emprendemento e da axuda á remuda empresarial.
• 11:00 h. Mesa redonda: presentación de empresas participantes, necesidades de recursos humanos, oportunidades profesionais, perfís e valores que buscan as empresas e quenda de preguntas.
• 11:45 h. Pausa para café e networking informal.
• 12:05 h. Dinámica «Café de conexión empresa-talento», para facilitar o contacto entre empresas e asistentes.
• 13:30 h. Conclusións, seguintes pasos e peche da xornada.

Cando e onde

Data: venres, 30 de outubro de 2026.
Horario: de 10:00 a 13:30 h.
Lugar: Casa da Cultura de Vimianzo, rúa Braña, Vimianzo (A Coruña).

Inscrición e información

Para consultar a inscrición e resolver dúbidas, contacta co Polo de Emprendemento de Coristanco no teléfono 653 551 755 ou no correo coristanco@polosemprendemento.gal. Tamén podes coñecer a actividade da Rede de Polos de Emprendemento e Apoio ao Emprego.

Ven conectar. Unha conversa pode axudar a atopar talento, descubrir unha oportunidade laboral ou dar continuidade a un proxecto empresarial na Costa da Morte.