Vimianzo M.O.L.A. 2026

Vimianzo M.O.L.A. 2026 converte o Castelo de Vimianzo nun gran punto de encontro para a literatura, a narración oral, o teatro, a música e a arte do 4 ao 6 de setembro. Muralismo, oralidade, literatura e arte danse a man nun programa pensado para públicos de distintas idades e nun escenario cunha personalidade única na Costa da Morte.

Durante tres xornadas, autoras e autores, compañías escénicas e artistas compartirán presentacións de libros, conversas a pé de páxina, contacontos, monicreques, sinaturas, unha instalación familiar, música e visitas teatralizadas. A feira de libros estará aberta desde as 18:00 h.

Programa de Vimianzo M.O.L.A. 2026

Venres 4 de setembro

• 18:00 h. Presentación: Modesto Fraga presenta A Biblioteca da Fisterranía.
• 18:00 h. Contacontos: Pedras de Cartón, Os Contos de Shakespeare.
• 19:00 h. Presentación: Julio Romero Suárez presenta A Primeira Dama.
• 19:00 h. Monicreques: A Cova das Letras, Costureiriña Bonita.
• 20:00 h. Mesa “Conversas a pé de páxina” con María Oruña e Arantza Portabales. Presenta e modera Patricia Blanco.

Sábado 5 de setembro

• 18:00 h. Presentación, mesa xuvenil: María Canosa con Dipnoi e Anxo Mouzo Moreira con A Princesa Dourada.
• 18:00 h. Contacontos: K’Paparota Teatro, Latexos.
• 18:00 a 21:00 h. Instalación familiar de Trécola Producións: Kinetiko.
• 19:00 h. Presentación: Nerea Pallares con Punto de Araña.
• 19:00 a 20:00 h. Sinatura de libros: Guadalupe Vázquez Formoso, A Voz Silenciada.
• 20:00 h. Mesa “Conversas a pé de páxina” con Alberto Lema e Rosalía Fernández Rial. Presenta e modera Patricia Blanco.
• 21:00 h. Concerto: Benxamín Otero e Rafa Fernández, Música para 6 poemas.
• 22:00 h. Visita teatralizada de Os Quinquilláns: Nouturnio.

Domingo 6 de setembro

• 12:30 h. Visita teatralizada de Os Quinquilláns.
• 17:00 h. Visita teatralizada de Os Quinquilláns.
• 18:00 h. Presentación: Manuel Canosa Trillo con Lope Sánchez de Moscoso, un vizconde no tempo de Enrique IV de Castela.
• 18:00 h. Contacontos: David Acera, ¿Por qué los pájaros no tienen Rey?.
• 18:45 h. Presentación: Alberto Mancebo con Os 3 nomes de Sartegua. Presenta Ana Gayoso.
• 19:00 a 20:00 h. Sinatura de libros: José Pardiñas Alvite, En vísperas de nada.
• 19:30 h. Narración e música: Vero Rilo, Lavandeiras.
• 20:15 h. Mesa “Conversas a pé de páxina” con Montse Fajardo, Luís Sánchez e Luís Lamela. Presenta e modera Patricia Blanco.

Clubs de lectura e muralismo

A programación amplíase con clubs de lectura infantil e adulto na Biblioteca de Vimianzo, con sesións vinculadas ao festival, e con accións de muralismo. Desde o 24 de agosto, Cristian F. Caruncho realizará un mural XXL na rúa Rosalía de Castro, 7, en San Vicenzo. Os días 27 e 28 de agosto haberá ademais un mural colaborativo para participantes de 8 a 16 anos.

Literatura e cultura nun castelo con historia

Vimianzo M.O.L.A. propón vivir os libros e a creación contemporánea dun xeito próximo, participativo e conectado co patrimonio. O Castelo de Vimianzo achega o marco perfecto para unha cita que combina voces consolidadas, propostas familiares e novas maneiras de contar, ler e compartir cultura.