Festas do Carme de Muxía 2026

As Festas do Carme de Muxía 2026 celebraranse do 24 ao 26 de xullo con tres xornadas dedicadas á tradición mariñeira, á música e ás actividades populares.

A programación reúne o coloquio Memorias Mariñeiras, sesións vermú, pasarrúas, o campionato da cucaña, misa e concertos en diferentes espazos da vila.

Programa das Festas do Carme de Muxía 2026

• Venres 24 de xullo: ás 19:30 h, coloquio Memorias Mariñeiras con Xusto Carril en Paraventos; ás 23:00 h, EH! Sabina, grupo tributo a Joaquín Sabina, e Miki Caamaño no Malecón.
• Sábado 25 de xullo: ás 13:00 h, sesión vermú coas charangas Sorcha e Santa Compaña; ás 17:00 h, campionato da cucaña na Rambleta; ás 22:30 h, música con Septeto Naborí, Pablo Balseiro Band e Choriso Criollo no Malecón.
• Domingo 26 de xullo: pasarrúas con Xaramiños do Corpiño; ás 12:00 h, misa no Malecón; ás 13:30 h, sesión vermú con Alma Latina no Malecón.

Tres días para compartir a tradición e o ambiente festivo de Muxía xunto ao mar.