Mes de Maio, Mes de María en Camelle

Durante o mes de maio, a Parroquia do Divino Espírito Santo de Camelle celebra o Mes de María, unha programación relixiosa especialmente dedicada á Virxe e pensada para vivir estes días desde a oración, a tradición e o encontro parroquial.

Os actos comezarán o 1 de maio ás 17:00 h, coincidindo co día de San Xosé Obreiro, pai do noso Señor, cunha celebración que incluirá a exposición do Santísimo Sacramento, o Santo Rosario e a celebración do Mes de María Santísima.

Ao longo do mes haberá Exposición do Santísimo todos os xoves ás 17:00 h, ademais da Novena de Fátima, Santo Rosario e celebración do Mes de María tamén ás 17:00 h. Como cita destacada, o 13 de maio ás 18:00 h celebrarase a Santa Misa Solemne na honra da Nosa Señora de Fátima, unha ocasión especial para acompañar a María neste tempo tan significativo para a comunidade de Camelle.