Xornadas Gastronómicas da Confraría de Pescadores de Corcubión

Do 22 ao 24 de agosto de 2025, o Porto de Corcubión énchese de sabor e tradición coas Xornadas Gastronómicas da Confraría de Pescadores de Corcubión. Unha cita imprescindible para quen queira gozar da mellor gastronomía mariñeira da Costa da Morte.

Haberá showcookings en vivo, onde cociñeiros locais amosarán como preparar os mellores pratos a base de peixe e marisco, así como talleres infantís para achegar aos máis pequenos ao mundo da cociña e do mar. Todo isto acompañado de racións a prezos populares, ideais para saborear Corcubión á beira do mar.

As Xornadas Gastronómicas en Corcubión son unha oportunidade única para descubrir a riqueza mariñeira desta vila histórica e vivir unha fin de semana chea de tradición, bo ambiente e auténtico sabor a mar.