Misas de novena da Virxe da Barca 2025

Do 4 ao 12 de setembro de 2025, Muxía celebrará a Novena e Festa de Nosa Señora da Barca, unha das citas relixiosas máis importantes de Galicia. Cada día, as misas celebraranse ás 9:00 e 19:00 h, media hora antes co rezo do rosario.

O sábado 13, véspera da festa, haberá misas ás 11:00, 13:00 (cantada), 18:00 e 19:00 h. O domingo 14, Día Grande, as misas serán ás 11:00 e 13:00 h (misa de campaña con procesión ata o porto e bendición), así como ás 18:00 e 19:00 h. O luns 15, “Luns da Barca”, celebrarase unha procesión desde a igrexa parroquial ás 12:30 h seguida de misa no Santuario, ademais de oficios ás 10:00 e 19:00 h.

Entre os actos extraordinarios destacan a procesión nocturna de fachos o sábado 6, a celebración cos enfermos e maiores o domingo 7, e o funeral polos devotos defuntos o martes 9. A fin de semana posterior á festa haberá misas ás 12:00, 17:00 e 19:00 h.