XXVII Rapa das Bestas 2025 no Campo da Areosa (Vimianzo)

Os días 19 e 20 de xullo, o Campo da Areosa, en Vimianzo, acollerá unha nova edición da tradicional Rapa das Bestas, unha das festas máis singulares e espectaculares da Costa da Morte. O evento comezará o sábado 19 coa baixada das bestas bravas desde o Monte Faro e actividades como carreiras de rolos, paseo a cabalo pola vila e a xa clásica degustación de poldro ás 22:00 h, amenizada pola Charanga Os Celtas e Dúo D’Festa.

O domingo 20 o programa continúa cun espectáculo ecuestre de doma en liberdade a cargo de Paco Martos (12:00 h), seguido dunha sesión vermú con Laura Ocampos e o esperado paso das bestas ao curro. Haberá tamén comida no campo, sorteos e actividades infantís con inchables, pintacaras e globoflexia. O día remata coa Rapa das Bestas ás 18:00 h e a súa posterior solta de novo no monte.

Unha fin de semana de tradición, natureza e emoción para gozar en familia. A acampada é gratuíta e o ambiente, inesquecible.