X Carreira Pedestre Concello de Zas

O sábado 7 de xuño pola tarde celébrase a décima edición da Carreira Pedestre do Concello de Zas, incluída no XI Circuito Correndo pola Costa da Morte, no que participan dez municipios da zona. Unha proba pensada para todas as idades e niveis, que conxuga deporte, natureza e compromiso social.

Os percorridos, en boa parte por camiños de terra e tramos urbanos, inclúen o paseo fluvial de Zas no caso da proba 10K, convertendo esta carreira nunha das máis sostibles e atractivas do circuíto. A saída e chegada terá lugar na Praza do Concello. Entre as modalidades están as carreiras de base, a 10K, e a popular 3K “Contra o Cancro”.

As inscricións están abertas ata o 3 de xuño ás 23:59 h na web oficial do circuíto (ligazón aquí). A participación na categoría absoluta custa 8€ + 1€ polo chip, mentres que as categorías base son gratuítas. Unha cita imperdible para quen goza do running en contornas naturais.