O vindeiro sábado 25 de maio celebrarase en Baio a II Xornada Canina do Concello de Zas, un evento pensado para amantes dos cans e familias, que terá lugar a partir das 10:00 h na Praza Jorge Mira Pérez. Tras a inauguración, terá lugar unha exposición de exemplares profesionais a cargo de criadores inscritos no campionato galego Ascelcre/Expogal.
A partir das 11:30 h, celebrarase o concurso canino local, aberto a todas as persoas que desexen participar co seu can. A inscrición é gratuíta e pode facerse no Centro Sociocultural de Baio, chamando ao 981 718 056 ou a través da ligazón https://bit.ly/concursocanino25. Haberá agasallos para todos os participantes e premios especiais para o can máis simpático e o máis guapo.
A mañá completarase cunha nova exhibición de cans profesionais, e o evento finalizará arredor das 13:30 h coa entrega de premios. A actividade está organizada polo Concello de Zas, coa colaboración da Asociación de Centros Legais de Cría e Cuidado Responsable e o Centro Veterinario Cenvet.
Data de inicio
Data de fin
Praza Jorge Mira Pérez
Cultura, deportes, festas…
Concello
Lugar
Concello
Lugar
