Visita ao Castro das Barreiras co Arqueólogo Tito Concheiro

O Concello de Vimianzo impulsou neste ano con fondos propios a escavación do gran castro do Val de Vimianzo: As Barreiras. En abril iniciáronse os traballos de escavación para descubrir a historia desta fortificación da Idade do Ferro. O sábado 2 de xuño terás a oportunidade de visitar o xacemento arqueolóxico, da man do director das escavacións, Tito Concheiro. Deste xeito celebramos o inicio destes traballos que continuarán en campañas sucesivas ampliando o coñecemento deste castro tan singular. 

A visita será ás 12 do mediodía, cun máximo de 50 participantes, para poder realizar a actividade en condicións. Coñeceremos o gran sistema defensivo das murallas e foso do castro, paseando pola mesma, o xacemento arqueolóxico cos restos das construcións circulares atopadas e a propia historia que nos foi desvelando esta escavación. 

É imprescindible reservar:
– No correo electrónico turismo@vimianzo.gal
– Teléfono 981 716 001 – ext 1235 (luns a venres, en horario de mañá)