O Monte do Castro elévase por enriba de Muxía e a ría de Camariñas deixando unhas vistas inmellorables do océano e as dúas poboacións. Afastado do ruído e en plena natureza este punto ofrece unha experiencia perfecta á hora de ver tanto a posta de sol como o ceo estrelado da noite da Costa da Morte.
Este punto ten un acceso, en certo xeito, complicado xa que se trata dunha estrada secundaria cunha forte pendente. Poderás tomar esta estrada nun desvío da DP-5201 á altura do pobo de Lourido. Nas inmediacións do miradoiro existe un espazo de aparcamento.
