Vimianzo 2026 Artesanía Viva

Vimianzo 2026 Artesanía Viva reúne unha programación de obradoiros artesáns entre o 11 de xullo e o 12 de setembro no Castelo de Vimianzo.

As actividades permitirán achegarse ao traballo co vidro, o barro, o encaixe, o liño, as maquetas de barcos e a palla. Cada obradoiro dispón de 12 prazas, agás o de soprado de vidro, que conta con 8. Están dirixidos a persoas adultas e a menores a partir de 8 anos acompañados.

Programa de Vimianzo 2026 Artesanía Viva

• Sábado 11 de xullo: ás 11:00, Contas de vidro con Esther Ferreiro. Obradoiro para aprender a facer contas de vidro a soprete.
• Sábado 18 de xullo: ás 17:00, Modela co barro con Obradoiro Lista. Olería de Buño nas túas mans.
• Sábado 1 de agosto: ás 17:00, Panillada coa Asociación de Palilleiras As Nemanquiñas. Actividade para coñecer o repenicar dos panillos.
• Sábado 8 de agosto: ás 11:00, Tecendo o liño coa Asociación Veciñal O Santiaguiño de Carreira. Obradoiro para aprender a tecer o liño no tear.
• Sábado 15 de agosto: ás 11:00, Barcos e nasas con Chema Suárez. Obradoiro para aprender a facer maquetas de barcos.
• Sábado 22 de agosto: ás 11:00, Aprender a panillar coa Asociación de Palilleiras As Nemanquiñas. Iniciación ao repenicar dos panillos.
• Sábado 29 de agosto: ás 17:00, Modela co barro con Obradoiro Lista. Olería de Buño nas túas mans.
• Sábado 12 de setembro: ás 11:00, Arte en palla coa Asociación Arte en Palla de Baiñas. Obradoiro para aprender a trenzar en palla.

A inscrición realízase en www.vimianzo.gal/turismo.