Outono nas Bibliotecas de Dumbría 2026

As Bibliotecas de Dumbría reciben o outono cunha programación cultural pensada para achegar a lectura, a creatividade e a ciencia á rapazada. Do 2 ao 23 de outubro de 2026, as bibliotecas municipais do Conco, Buxantes, Olveira, Berdeogas e O Ézaro acollen seis propostas familiares con robótica, manualidades, contos e obradoiros creativos.

Todas as actividades comezan ás 18:30 h. O acceso é libre e gratuíto, con prazas limitadas nos obradoiros.

Programa de Outono nas Bibliotecas de Dumbría

• 2 de outubro · Biblioteca do Conco, Dumbría: Robótica LEGO-WeDo, con Jóvenes Científicos. Obradoiro de robótica para rapazada a partir dos 7 anos.
• 5 de outubro · Biblioteca de Buxantes: Crea o teu portalibros, con Xogando nas Nubes. Obradoiro de estampado en tea a partir dos 6 anos para decorar unha bolsa na que levar os libros da biblioteca.
• 9 de outubro · Olveira: Soños en madeira, con Muxiarte. Obradoiro creativo con madeira para nenas e nenos a partir dos 3 anos.
• 14 de outubro · Buxantes: Devoracontos: deseño de fundas + caderno de lectura, con O Faiado de Nin. Obradoiro con tea para participantes a partir dos 6 anos.
• 16 de outubro · Biblioteca de Berdeogas: Os contos do gato, con Bandullo Azul. Contacontos para rapazada a partir dos 3 anos.
• 23 de outubro · Biblioteca do Ézaro: Coas mans na masa, con OQO. Contacontos e obradoiro de modelado e pintura con masa de fariña para nenas e nenos a partir dos 4 anos.

Bibliotecas vivas para aprender, crear e compartir

A iniciativa enmárcase na celebración do Día das Bibliotecas e reforza o papel destes espazos como lugares vivos de encontro, aprendizaxe e lecer cultural. A programación está cofinanciada por Ler Conta Moito, da Rede de Bibliotecas Públicas de Galicia e da Xunta de Galicia.

Unha proposta para descubrir as bibliotecas de Dumbría dunha maneira diferente e gozar en familia de actividades de animación á lectura, creatividade, ciencia e contos na Costa da Morte.