V Premios Fouciño – Festival de Cinema en Zas 2025

Do 23 ao 25 de outubro, Baio acollerá a V edición dos Premios Fouciño, un festival que repartirá 1.800 € en premios e mesturará proxeccións de curtametraxes dentro e fóra de competición con actividades lúdicas e música en directo.

O xoves 23 inaugúrase o festival coa proxección de Pura, de Carmen Méndez (Mestre Mateo 2025), seguida dun coloquio coa súa directora. O venres 24 ofrecerase unha selección de catro curtametraxes sobre diversidade (“Delincuente”, “O Coidado”, “Abellón” e “La casa de la abuela”) e rematará cun concerto de Sofi Peries e un karaoke cinéfilo.

O sábado 25 será o gran día final: pola mañá haberá sesión vermú e a proxección do obradoiro infantil e de “Un peixe é un peixe é un peixe” (Marilar Alexandre e Alberto Pombo); pola tarde proxectaranse as pezas finalistas e, de noite, terá lugar a festa de clausura coa música de Antía Muíño, Ulex, 9Louro e Tonita.