Semana do Medioambiente “Eco de Sol” en Cee 2025

Do 17 ao 22 de novembro de 2025, o Concello de Cee organiza a Semana do Medioambiente “Eco de Sol”, un programa cheo de propostas para educar, divertir e concienciar sobre o coidado do planeta a través da cultura e da participación cidadá.

O Auditorio Baldomero Cores será o espazo principal onde se desenvolverán actividades como a obra “Sol Fuerza” de aAntena Teatro, o obradoiro de regueifa con Lupe Blanco, e a proxección de documentais como “Derrubando xigantes” e “O monte é noso”, que invitan a reflexionar sobre o territorio e a loita das comunidades rurais. O programa rematará o sábado cunha interesante charla de etnomedicina popular con María Moure, aberta a todo o público.

Todas as actividades son de balde. Unha semana para pensar o medioambiente desde a arte, a palabra e a acción.