Muxía Itinerante 2026

Muxía Itinerante 2026 volve este verán cunha programación especial que percorrerá diferentes puntos do Concello de Muxía para achegar a cultura, o lecer e as actividades ao territorio. Obradoiros, roteiros, propostas deportivas, espectáculos, monólogos, música, natureza e astronomía forman parte dun programa pensado para descentralizar a oferta cultural e crear espazos de encontro en distintos lugares da comarca.

A programación inclúe citas moi diversas, como o Feirón de Senande, con obradoiros, postos de artesanía e gastronomía e concertos; un roteiro de Muxía a Moraime guiado por Xan Fernández; A Onda de Nemiña, unha xornada vencellada ao deporte, á música e ao mar; e unha noite astronómica no Faro de Touriñán co experto Jorge Mira Pérez, nun dos lugares máis especiais da península para contemplar o solpor e mirar ao ceo.

Ademais, Muxía Itinerante traerá monólogos e espectáculos a diferentes parroquias, con propostas en Quintáns, Merexo, Suxo, Os Muíños e Nemiña. Un verán para moverse, descubrir Muxía doutro xeito e desfrutar da cultura preto da casa.

• 21 de xuño en Quintáns: “Estremonías da silva”, con Lilá Teatro.
• 6 de xullo en Senande: Feirón de Senande, con obradoiros, artesanía, gastronomía e concertos.
• 18 de xullo: roteiro de Muxía a Moraime con Xan Fernández.
• 31 de xullo en Nemiña: A Onda de Nemiña, con deporte, música e mar.
• 6 de agosto en Merexo: “Vicio houbo sempre”, con Atenea García.
• 18 de agosto no Faro de Touriñán: noite astronómica con Jorge Mira Pérez.
• 30 de agosto en Suxo: “Mulleres de conto”, con Cris de Caldas.
• 19 de setembro en Os Muíños: “Mulleres de conto”, con Cris de Caldas.
• 20 de setembro en Nemiña: “Vicio houbo sempre”, con Atenea García.