I Milla Medieval de Corcubión

Corcubión celebrará a primeira edición da Milla Medieval, unha proba deportiva de carácter lúdico organizada pola Peña Deportivista Ave César e a Asociación Cantigas de Dona Xoana como actividade complementaria do XXIV Mercado Medieval de Corcubión.

A carreira terá lugar o mércores 22 de xullo de 2026, ás 20:30 horas. A saída e a meta estarán situadas na Praza Castelao e o percorrido desenvolverase polas rúas do casco histórico de Corcubión, declarado conxunto histórico-artístico en 1984.

A distancia será de 1.540 metros, resultado da media entre a milla romana e a milla estatutaria. O itinerario pasará por lugares representativos como o Pazo dos Altamira, a igrexa de San Marcos, o Pazo dos Obregón, o Campo do Rollo, a Casa do Pirata e diferentes casas e escudos históricos da vila.

Categorías e premios

• Absoluta: premio para o primeiro e a primeira clasificada.
• Sénior: persoas nadas entre 1981 e 2012.
• Máster: persoas nadas antes de 1981.
• Sub-14: persoas nadas entre 2013 e 2020.
• Atletas locais: persoas empadroadas no Concello de Corcubión.
• Mellor caracterización medieval: premio para o corredor e a corredora co disfrace máis orixinal.

A participación é totalmente gratuíta e está limitada a un máximo de cen persoas. As prazas cubriranse por orde de inscrición.

Os dorsais poderán recollerse na contorna da Praza Castelao desde as 19:00 horas do propio día da proba e ata quince minutos antes da saída. Ao finalizar a carreira e despois da entrega de premios, a organización ofrecerá avituallamento sólido e líquido ás persoas participantes.

As inscricións estarán abertas ata as 23:59 horas do sábado 18 de xullo a través do formulario de inscrición da I Milla Medieval de Corcubión.

Para máis información pódese contactar coa organización no correo electrónico pdavecesarcorcubion@gmail.com ou nos teléfonos 653 390 370 e 695 193 463.