Xornada de artesanía da Costa da Morte

Dende Costa da Morte Asociación Turística comprácenos convidarvos á Xornada de Artesanía da Costa da Morte o próximo xoves 28 de novembro ás 10:30 horas que terá lugar na Galería Stoupa en Cee. Esta xornada ten como obxectivo poñer en valor o traballo da artesanía local e crear sinerxias entre o tecido empresarial do sector turístico e os artesáns do noso territorio. A actividade estará distribuída en dous obradoiros que tratarán os seguintes contados:

• Obradoiro 1.- “Demostración ao Torno de Olería de Buño”: impartido por Xosé Gorín Moreira, responsable do Obradoiro Gorín de Buño, mostrando a Olería de Buño como a artesanía con máis historia da Costa da Morte, dándolle valor ao proceso de elaboración (deseño, decoración, secado, cocción…) das pezas de barro de Buño desde a súa creación ata a súa saída ao mercado.
• Obradoiro 2.- “Artesanía da Restauración”: creación de propostas de decoración adaptadas e exhibición de pezas de madeira, cerámica, cestería e téxtiles de artesáns da Costa da Morte (Nano Unzueta, O Rulo, Alberto Lista, Gorín, Trenzarte…) que traballan con mobiliario, vaixelas, pezas ornamentais e demais elementos para utilizar no mundo da restauración e a hostalería vinculada ao sector turístico do territorio.

A actividade será de balde e está orientada a todas aquelas empresas hostaleiras e de restauración que conforman sector turístico da Costa da Morte. Desenvolverase a partir das 10:30 horas na Galería Stoupa (Rúa Campo do Sacramento, 23, Baixo B, 15270, Cee.

Aforo limitado. Imprescindible inscripción previa neste mesmo correo electrónico.