II Xornadas “Mulleres, memoria e dignidade” no Ézaro (galego)

O Concello de Dumbría celebra as II xornadas “Mulleres, memoria e dignidade” no Ézaro, adicadas nesta edición á temática A muller e o traballo. A través dunha recreación fotográfica, unha presentación de libro, unha mesa redonda e unha conferencia, búscase honrar a memoria de Ruth Matilda Anderson e a historia do Ézaro vista desde as súas mulleres.

Venres 21 de novembro – Praia do Ézaro

• 15.00 h – Recreación da fotografía de Ruth Matilda Anderson: veciñas e veciños do Ézaro, con roupa de hai 100 anos, recrean a imaxe tirando da arte no areal.

Sábado 22 de novembro – Edificio Bitácora do Ézaro

• 10.15 h – Apertura institucional: benvida oficial e presentación das xornadas por parte do Concello de Dumbría.
• 10.30 h – Presentación do libro “Ruth Matilda Anderson, tradutora das marxes”: primeira presentación oficial do libro de Alba Rodríguez Saavedra, con intervención de Santiago Garrido e Ana Cabana.
• 11.15 h – Mesa redonda «As mulleres do Ézaro e o traballo»: conversa coas mulleres do Ézaro, moderada por Paula Castiñeira e María González, sobre os oficios que sosteron a comunidade.
• 13.00 h – Conferencia «Mulleres de Dumbría na ciencia»: relatorio da doutora Isaura Fernández Pérez sobre o papel das mulleres dumbriesas na investigación científica.