Festas Patronais e do Carme de Fisterra 2025

As Festas Patronais e do Carme de Fisterra 2025 comezan o sábado 6 de setembro coa misa solemne de San Roque na Igrexa Parroquial de Santa María das Areas, seguida de procesión polas rúas da vila acompañada pola Banda Municipal de Cee. Ás 16:30 h na Praza da Constitución haberá xogos infantís e gran festival para os cativos, rematando a noite coas actuacións da Orquestra Pontevedra e do Remember Festival con Expósito & Josiño Destroyer.

O domingo 7 celebrarase a procesión de Nosa Señora do Carme ás 10:30 h acompañada pola Banda Ateneo de Negreira; tras a misa terá lugar a tradicional procesión marítima e a ofrenda polos mariñeiros. Na sesión vermú actuará a Orquestra Mar de Arousa e, pola tarde, pasarrúas coas charangas O Son dos Michos, Nin Chica Nin Patacón e O Rumbo de Sardiñeiro. A noite culmina cos concertos de La Fórmula e Mar de Arousa xunto con Full Discoteca Móbil.

O luns 8, Día de Santa María das Areas, a mañá inclúe dianas e alboradas, misa solemnre ás 11:00 h e procesión, con sesión vermú da Orquestra Alabama. Pola tarde haberá pasarrúas da charanga O Rumbo de Sardiñeiro e ás 18:00 h o IX Campionato Internacional de Futbolín Alexandre na Praza da Constitución. A orquestra Alabama pechará musicalmente esta xornada.