Festa da Praia de Xaviña 2025

O 25 de xullo, a parroquia de Xaviña (Camariñas) celebra a súa tradicional Festa da Praia, unha xornada festiva cargada de actividades culturais, gastronómicas e familiares na Área Recreativa do Ariño. A festa comeza ás 13:00 h cunha misa en honra a Santiago Apóstolo e a actuación do coro “Anduriñas de Xaviña”.

Ás 14:00 h ofrecerase unha sardiñada gratuíta para todas as persoas asistentes. Pola tarde, os máis pequenos poderán gozar de inchables a partir das 15:00 h, mentres que a música comezará a soar desde as 16:00 h coa actuación de Abrindo Rejo, seguida ás 17:00 h pola charanga “Santa Compaña”.

A xornada rematará cunha función teatral ás 19:00 h: “First lerias” do grupo “Os contos non enchen”. Un día cheo de vida para gozar da cultura local ao aire libre grazas á organización do Concello de Camariñas e a Deputación da Coruña.