Eclipse total de Sol en Muxía

O 12 de agosto de 2026, Muxía converterase nun lugar privilexiado para desfrutar dun acontecemento excepcional da natureza: un eclipse total de Sol.

O Concello de Muxía convida a familias, amizades, visitantes e toda a veciñanza a compartir esta experiencia con responsabilidade e ilusión.

Puntos recomendados de observación

• Cabo / Faro Touriñán
• O Coído do Voluntariado
• Contorna do Santuario da Virxe da Barca

Seguridade durante o eclipse

Nunca se debe observar o Sol directamente sen a protección adecuada. O Concello adquiriu gafas homologadas especiais para a observación solar, que se farán chegar á veciñanza xunto coa información e recomendacións necesarias.

• Respecta a sinalización e as indicacións das Forzas e Corpos de Seguridade e do persoal de Emerxencias.
• Coidemos o noso entorno e non deixemos residuos.
• Extrememos as precaucións nas zonas de acantilados e próximas ao mar.
• Desfrutemos da experiencia con responsabilidade e ilusión.

O 12 de agosto, mira ao ceo desde Muxía. Será un día que lembraremos durante moitos anos.