Curso de competencias dixitais básicas para maiores de 65 anos

O Concello de Carnota organiza un curso de competencias dixitais básicas para maiores de 65 anos, pensado para axudar ás persoas que teñen móbil pero non aproveitan todas as súas aplicacións. Durante tres semanas, repartidas en 3 bloques de contidos, aprenderás a pedir cita médica co teléfono, navegar por internet, usar as redes sociais e manexar mellor o teu dispositivo no día a día.

Trátase dun curso totalmente de balde, impartido por Ara Formación e subvencionado pola Xunta de Galicia e a Unión Europea. Non fai falta levar nada especial, só anotarte e acudir ás sesións, que terán lugar na Casa do Concello de Carnota a última semana de xaneiro e as dúas primeiras de febreiro, de luns a xoves pola mañá.

Se che gustaría perderlle o medo á tecnoloxía e gañar autonomía, inscríbete xa no teléfono 647 459 445 ou directamente no Departamento de Cultura do Concello de Carnota.