City of Agra 2025 en Camelle e Arou

Do 11 ao 13 de xullo de 2025, as vilas mariñeiras de Camelle e Arou acollen unha nova edición do evento City of Agra, unha celebración que conmemora os 128 anos do histórico naufraxio deste barco británico fronte á Costa da Morte. Ao longo de tres días, haberá feira mariñeira, visitas guiadas, actividades infantís, teatro, música, homenaxes e unha ruta de tapas polos bares da zona.

Entre os momentos destacados: o Concerto de The Bronteroc, a representación teatral de Palilladas, a tradicional Arribada dos Náufragos, a sesión vermú con Adhara & Ritman e Kreze, e o emotivo acto de homenaxe aos náufragos, que terá lugar o domingo ao mediodía. Ademais, celébrase o concurso de escapadores e o partido de fútbol Camelláns vs British, que pechará a programación.

Unha cita chea de memoria, emoción e cultura mariñeira que mantén vivo o legado dun dos episodios máis recordados da historia marítima da Costa da Morte.