Actividades de verán 2025 no Concello de Zas

O Concello de Zas presenta un verán repleto de propostas culturais, deportivas e de lecer para todos os públicos, que se desenvolverán entre os meses de xuño e setembro. O programa “Verán en Zas 2025” inclúe festas infantís, música ao vivo, visitas culturais e actividades ao aire libre pensadas para gozar en familia.

Destacan citas como a Festa Infantil do 28 de xuño, os concertos de Os Monifantes (12 de xullo) e Comando Curuxás (19 de xullo), a Semana Cultural (4-9 agosto) ou a clásica Rapa das Bestas o 19 e 20 de xullo. Tamén haberá eventos deportivos como a Andaina “Zas a pé”, o Trail Nocturno Cova do Lobo (16 de agosto) ou o Trofeo de Fútbol Concello de Zas (7 de setembro), ademais de excursións, cursos de natación e visitas teatralizadas ás Torres do Allo.

Consulta o cartel completo e inscríbete nas actividades que requiren inscrición previa. Máis información nos centros socioculturais de Zas e Baio ou no teléfono 981 751 398.