Horario das misas da novena dos Milagros de Caión

Caión celebra do 5 ao 13 de setembro de 2026 a novena da Virxe dos Milagros, unha das citas relixiosas máis arraigadas da Laracha e da Costa da Morte. Durante nove días, a igrexa parroquial de Nosa Señora do Socorro e o Santuario dos Milagres acollerán misas, celebracións solemnes e as tradicionais procesións de subida e baixada da Virxe.

A Romaría da Nosa Señora dos Milagres de Caión, recoñecida como Festa de Interese Turístico de Galicia, reúne cada setembro veciñanza, devotos e peregrinos arredor dunha tradición que forma parte da identidade relixiosa e cultural da vila.

Horario da novena e das misas

• Sábado 5 de setembro: comezo da novena ás 20:30 h na igrexa parroquial.
• Domingo 6: misas na igrexa parroquial ás 10:00, 11:00 e 12:00 h. A continuación, subida en procesión ao Santuario e misa solemne ás 13:30 h. Pola tarde, misas ás 17:00, 18:00, 19:00 e 20:00 h.
• Luns 7: misas ás 10:00, 11:00, 12:00, 17:00, 18:00, 19:00 e 20:00 h.
• Martes 8, festa de Nosa Señora: misas ás 9:00, 10:00, 11:00 e 12:00 h. Misa solemne ás 13:00 h. Pola tarde, misas ás 17:00, 18:00, 19:00 e 20:00 h.
• Mércores 9, xoves 10, venres 11 e sábado 12: misas ás 10:00, 11:00, 12:00, 17:00, 18:00, 19:00 e 20:00 h.
• Domingo 13: misas no Santuario ás 10:00, 11:00 e 12:00 h. Procesión de baixada da Virxe e misa ás 13:30 h. Pola tarde, misas ás 17:00, 18:00, 19:00 e 20:00 h.

Unha tradición de peregrinación en Caión

O 8 de setembro é o día central dos Milagres de Caión, mais o programa relixioso esténdese durante toda a novena. A subida da imaxe ao Santuario, a misa solemne e a posterior procesión de regreso marcan algúns dos momentos máis emotivos desta celebración, que cada ano atrae numerosos peregrinos.

Podes ampliar información sobre a romaría na web oficial de Turismo de Galicia.