Ópera en Carnota

Ópera en Carnota celebrarase do 5 ao 7 de agosto cun programa dedicado á ópera e á zarzuela en distintos espazos do concello.

A proposta reúne unha conferencia, un espectáculo familiar, un percorrido musical por catro enclaves e un gran evento final con profesionais en activo.

Programa de Ópera en Carnota

• Mércores 5 de agosto: ás 20:30 h, na sala de xuntas do Concello, conferencia con Jesús López: Zarzuela en Danza – A identidade na zarzuela a través dos bailes e os tipos populares. Evento de balde.
• Xoves 6 de agosto: ás 12:00 h, no Pavillón Lamas de Castelo, Música Ma(go)estra coa compañía Diabolus in Musica, espectáculo familiar de balde. A continuación, Paseo Píloras maxestuosas, un percorrido sensorial e musical por catro enclaves: 13:30 h no Hórreo de Carnota, 17:30 h no Faro de Lariño, 19:30 h na Praia Boca do Río e 21:00 h no Paseo Mar de Lira. Actividades de balde.
• Venres 7 de agosto: ás 21:30 h, gran evento na Horta de Ana, en Vilar de Carnota, con dúas horas de ópera e zarzuela a cargo de Mª Luisa Corbacho, Vicenç Esteve, Manel Esteve e Jesús López. Evento de pago.

As entradas para o gran evento da Horta de Ana están á venda en O Tinglado e na Libraría Chorima, na Praza de Galicia de Carnota.