Recunchos 2026 en Vimianzo

Recunchos 2026 en Vimianzo é o programa de andainas do Concello de Vimianzo, unha proposta para descubrir diferentes lugares do municipio a través de rutas a pé vencelladas á natureza, á historia e á paisaxe. As actividades desenvolveranse entre xuño e setembro, con prazas limitadas e inscrición previa a través da web municipal.

O programa inclúe cinco saídas: Dende Vimianzo a Castrobuxán, o 20 de xuño; Os Penedos de Pasarela e Traba, o 11 de xullo; Bamiro: un paseo pola historia, o 29 de agosto; Noite de petros, o 4 de setembro; e Polas terras de Salto, o 19 de setembro. Unha programación pensada para camiñar con calma, coñecer mellor o territorio e gozar dos recunchos máis especiais de Vimianzo.

As inscricións realizaranse en www.vimianzo.gal e pecharanse o xoves previo á celebración de cada andaina. Recoméndase levar comida, bebida, calzado e roupa axeitada. A saída será ás 9:30 horas e o remate está previsto arredor das 14:00 horas, agás na Noite de petros, que comezará ás 21:00 horas. Os desprazamentos ata o punto de inicio serán por conta allea.

• 20 de xuño: Dende Vimianzo a Castrobuxán.
• 11 de xullo: Os Penedos de Pasarela e Traba.
• 29 de agosto: Bamiro: un paseo pola historia.
• 4 de setembro: Noite de petros.
• 19 de setembro: Polas terras de Salto.