Actividades Acuáticas 2026 en Camariñas

As Actividades Acuáticas 2026 en Camariñas están dirixidas a persoas nadas no 2018 e anos anteriores e desenvolveranse no Club Náutico de Camariñas, en horario de 10:00 a 13:30 horas, de luns a venres. Unha proposta perfecta para gozar do mar, aprender novas habilidades e vivir o verán dunha maneira activa nunha das contornas máis vencelladas á cultura mariñeira da Costa da Morte.

A actividade contará con dúas quendas: a primeira do 2 ao 15 de xullo e a segunda do 20 ao 31 de xullo. Cada quenda terá un máximo de 24 prazas e un mínimo de 12 participantes, cun prezo de 50 € por quenda. Será obrigatorio tramitar a licenza tipo escola a través da ligazón https://www.rfgvela.es/licencias/.

A preinscrición obrigatoria estará aberta do 1 ao 8 de xuño a través do correo deportes@camarinas.net, presencialmente na oficina do Departamento de Deportes ou mediante o formulario indicado no cartel. Terán prioridade as persoas empadroadas. Para máis información pódese contactar coa Oficina de Deportes no teléfono 665 134 152 ou no correo deportes@camarinas.net.

• 9 de xuño: publicación da listaxe por quendas das persoas preinscritas.
• 10 de xuño: sorteos, se fose preciso, e creación e publicación de listaxes.
• Do 11 ao 16 de xuño: pagamento das taxas das quendas nas que se realizou a inscrición.
• 19 de xuño: publicación da listaxe de persoas admitidas por quenda e prazas libres, se fose o caso.