Malpica nun mar de letras 2026

O Concello de Malpica, xunto coas asociacións locais, súmase á celebración das Letras Galegas cun programa cheo de actividades culturais para todos os públicos, poñendo en valor a nosa lingua, a literatura e a identidade galega.

Ao longo destas semanas, Malpica acollerá presentacións literarias, contacontos, teatro, música, exposicións, danza e actos conmemorativos como a ofrenda ás Pandeireteiras de Mens, nunha programación que mestura tradición, memoria e creación contemporánea.

Cultura e letras para todos os públicos! Unha oportunidade perfecta para vivir Malpica a través da palabra, da música e da participación veciñal.

• Xoves 23 de abril: dotación da Biblioteca Pública Municipal ás bibliotecas dos centros de ensino do concello de Malpica de publicacións sobre a vida e obra de Begoña Caamaño.
• Venres 24 de abril: a partir das 18:00 h, Venres na biblioteca: Galeatro con Hotel Paraíso, na Biblioteca Pública Municipal Eduardo Blanco Amor. Público infantil a partir de 4 anos.
• Sábado 2 de maio: ás 20:30 h, presentación literaria de A novela do Bravú, de Xurxo Souto, no Fogar do Pensionista da Casa do Pescador de Malpica.
• Do martes 5 de maio ao luns 15 de xuño: exposicións “Begoña Caamaño, un Camiño de Sementes” e “De Circe a Morgana”, na Biblioteca Eduardo Blanco Amor de Malpica.
• Venres 8 de maio: a partir das 18:00 h, Tardes na biblioteca: Pérez&Fdez con UMAMI, na Biblioteca Municipal Eduardo Blanco Amor.
• Venres 8 de maio: ás 20:30 h, presentación literaria de A Costa da Morte. Naturalmente única, de Xan X. Fdez. Carrera e Antonio Fernández, no Fogar do Pensionista da Casa do Pescador.
• Domingo 10 de maio: ás 12:00 h, Gala de fin de curso da AC Malante, no Auditorio do Centro Cívico de Malpica de Bergantiños.
• Luns 11 de maio: ás 11:45 h, Cris de Caldas con Mulleres de Conto, no Auditorio do Centro Cívico de Malpica de Bergantiños.
• Xoves 14 de maio: a partir das 11:00 h, Festival das Letras Galegas, no Auditorio do Centro Cívico de Malpica de Bergantiños.
• Venres 15 de maio: ás 10:15 h, Chaves Invisibles, de Vero Rilo e Luís Iglesias, no Auditorio do Centro Cívico de Malpica de Bergantiños.
• Sábado 16 de maio: ás 20:30 h, presentación literaria de Begoña Caamaño, de Nerea Gómez, Icía Varela e Xosé M. Varela, no Fogar do Pensionista.
• Domingo 17 de maio: ás 12:00 h, ofrenda floral ás Pandeireteiras de Mens, no Centro Sociocultural de Mens.
• Venres 22 de maio: a partir das 18:00 h, Venres na biblioteca: Pablísimo con Contacomic, na Biblioteca Pública Municipal Eduardo Blanco Amor.
• Sábado 23 de maio: ás 19:00 h, Gala de fin de curso da AC Raigañas, no Auditorio do Centro Cívico de Malpica de Bergantiños.
• Sábado 23 de maio: a partir das 19:00 h, presentación do libro O país invisible, de Arturo Lezcano, no Fogar do Pensionista da Casa do Pescador.
• Venres 29 de maio: ás 12:00 h, presentación das bases e convocatoria do XXI Certame de Poesía Erótica “Illas Sisargas”, no Salón de Plenos da Casa do Concello.
• Venres 29 de maio: ás 20:30 h, presentación literaria de Un mundo que se nos va. Razones para rebelarse, de Carlos Taibo, no Fogar do Pensionista.
• Sábado 30 de maio: ás 20:30 h, presentación da canción da “Romaría de San Adrián”, no salón de actos da Casa do Pescador.
• Domingo 31 de maio: a partir das 12:30 h, Gala de fin de curso da ACD Carcaxía, no Auditorio do Centro Cívico de Malpica de Bergantiños.
• Martes 2 de xuño: ás 11:00 h, Maratón do Obradoiro de Animación Teatral do Concello de Malpica, no Auditorio do Centro Cívico.
• Martes 2 de xuño: ás 17:30 h, Gala de fin de curso do obradoiro de Arte, na Aula da Arte do Centro Cívico de Malpica.
• Venres 5 de xuño: Escora Danza.
• Sábado 6 de xuño: ás 20:00 h, “Merendola Desconcertante”, do Cuarteto de Biselas, no Auditorio do Centro Cívico de Malpica.
• Venres 12 de xuño: Maratón do Obradoiro de Animación Teatral do Concello de Malpica, no Auditorio do Centro Cívico, con varias representacións ao longo da tarde.
• Sábado 13 de xuño: Escora Danza.