Semana Santa 2026 en Vimianzo

A Semana Santa 2026 en Vimianzo convértese nunha proposta perfecta para descubrir o patrimonio, a artesanía e a historia do concello a través dunha programación especial pensada para todos os públicos. Do 28 de marzo ao 5 de abril, o Castelo de Vimianzo será un dos grandes focos de interese, cun programa que combina artesanía en vivo, exposicións, visitas teatralizadas e percorridos guiados por algúns dos lugares máis destacados do municipio.

Durante estes días, as persoas visitantes poderán achegarse ao traballo de artesáns e artesás vinculados á palla de trigo e centeo, á prata, ao vidro de Murano, á olería, á elaboración de maquetas de barcos, ao encaixe de palillos, ao liño e ao labor de Aspadex. Ademais, o 28 de marzo inaugurarase no castelo a exposición Unha xoia, unha flor, de Esther Ferreiro, sumando aínda máis atractivo a unha programación que convida a vivir a Semana Santa en Vimianzo desde unha ollada cultural e patrimonial.

A programación complétase con visitas teatralizadas no propio castelo e con visitas guiadas a espazos tan singulares como os Batáns e Muíños do Mosquetín, o Dolmen de Casa dos Mouros, o Dolmen de Pedra Cuberta, o Castro das Barreiras ou Porto de Cereixo. Un plan perfecto para mergullarse na esencia de Vimianzo durante a Semana Santa, coñecendo de preto algunhas das súas xoias históricas e etnográficas.

Programación da Semana Santa 2026 en Vimianzo

• Castelo de Vimianzo | Artesanía en vivo
  Do 28 de marzo ao 5 de abril, de 10:30 a 14:00 e de 16:00 a 20:30 horas.
• Inauguración da exposición “Unha xoia, unha flor”, de Esther Ferreiro
  28 de marzo ás 12:00 horas no Castelo de Vimianzo.
• Visitas teatralizadas no Castelo de Vimianzo
  2 de abril ás 12:30 e 17:00 horas.
  3 de abril ás 12:30 e 17:00 horas.
• Visitas guiadas no Castelo de Vimianzo
  28 e 29 de marzo ás 11:00, 13:00, 16:00 e 18:00 horas.
  31 de marzo e 5 de abril ás 11:00 e 18:30 horas.
• Visitas guiadas aos Batáns e Muíños do Mosquetín
  30 de marzo ás 10:30 e 11:15 horas.
  31 de marzo ás 12:30 e 13:15 horas.
  1, 4 e 5 de abril ás 12:30 e 13:15 horas.
• Visita guiada ao Dolmen de Casa dos Mouros
  1 de abril ás 16:30 horas.
• Visitas guiadas ao Dolmen de Pedra Cuberta
  30 de marzo e 5 de abril ás 16:30 horas.
• Visitas guiadas ao Castro das Barreiras
  30 de marzo ás 13:00 horas.
  31 de marzo ás 16:30 horas.
• Visitas guiadas a Porto de Cereixo
  31 de marzo ás 18:30 horas.
  4 de abril ás 16:30 horas.

Información útil: o Castelo de Vimianzo permanecerá pechado os luns. As visitas teatralizadas son ata completar aforo, as visitas guiadas contan con 25 prazas por visita e a actividade é de balde.