Vive o Nadal 2025 en Baio

Vive o Nadal 2025 en Baio é a campaña coa que o comercio local e o Concello de Zas enchen a vila de música, maxia e encontros nestas datas tan especiais. Do 20 de decembro ao 5 de xaneiro, Baio convértese nun punto de encontro perfecto para saír á rúa, facer compras de proximidade e gozar dun Nadal cheo de vida.

Mercado artesán, sesión vermú, monólogo, concertos, cabalgata de Reis, chocolatada e ata 1.500 € en vales que se sortearán entre as compras no comercio local fan que Vive o Nadal 2025 en Baio sexa moito máis ca un programa de festas: é unha maneira de apoiar ao tecido económico da vila mentres compartes momentos inesquecibles en familia.

• 20 e 21 de decembro – Mercado Artesán de Baio
  Sábado 20, de 11:00 a 20:30, con mercado aberto durante todo o día e 19:30 monólogo de Celso Sanmartín.
  Domingo 21, de 10:00 a 19:00, con 13:30 sesión vermú con O Tren da Unha, 17:00 espectáculo de maxia de O Mago Paco e 18:00 visita especial de Papá Noel.
• Campaña de apoio ao comercio local
  Sorteo de 1.500 € en bonos entre todas as persoas que realicen as súas compras no comercio de Baio durante a campaña.
• 27 de decembro – Festa pre fin de ano
  A partir das 22:30, gran noite de concertos con Los Jinetes del Trópico e Mal Juicio.
• 5 de xaneiro – Cabalgata de Reis en Baio
  Desde as 18:00, Recepción Real, actuación de Peter Punk e chocolatada para pechar o Nadal por todo o alto.