A igrexa de San Martiño de Cores é unha construción do século XIII remodelada no século XVIII. A forma do piso é de cruz latina con dúas capelas cubertas por bóvedas de canón, con arcos faixóns. O presbiterio está cuberto por unha bóveda de forno. A fachada é de estilo barroco, cunha porta con lumieira, sobre ela unha fornela co santo, un van cadrado e unha torre campanario que destaca sobre a construción. Sobre a bóveda da sacristía descubriuse unha ara romana invertida.
