Este é un deses lugares icónicos e diferentes que vixian as nosas custas. E non, non é un “faro” como o coñecemos. É un monumento ao Sagrado Corazón de Jesús situado no monte Faro, a 231 metros de altura, na parroquia de San Xián de Brantuas, en Ponteceso.
Desde este alto, pódese observar a ría de Corme e Laxe e cara ao outro lado Punta Nariga. Con esa vista, o ceo tamén ofrece un espectáculo digno de ver. Un bo momento para desfrutar das estrelas aquí é durante as Perseidas, en agosto.
