Oportunidade única para coñecer unha exposición sen precedentes nas Torres do Allo

Máis dun cento de visitantes achegáronse as Torres do Allo no primeiro fin de semana da inauguración da exposición “Seoane: o naturalista das Torres do Allo”. Ata o 18 de novembro, o pazo máis antigo de Galicia, alberga unha exposición sen precedentes, onde descubrir a figura e obra do científico galego máis importante do S.XIX, que fixo do pazo do Allo un dos centros científicos de referencia a nivel europeo. 

A maiores pódese disfrutar da programación habitual: Visitas Guiadas: ás 13h e 17h. Permitirán coñecer o conxunto etnográfico que inaugurou unha tipoloxía edilicia en Galicia. O Xogo de Pistas “Os secretos Ocultos nas Torres: deforma continuada durante o horario de apertura (sen necesidade de reserva previa). Un divertido día en familia onde descubrir os lugares máis máxicos do pazo do Allo.  Tanto a visita como tódalas actividades de Torres do Allo son de balde.